“АЗ Алкмар” мамлакат чемпионати муддатидан олдин тугатилганидан норози

“Биз айни пайтда тушиб қолган ҳолатдан чиқиб кетиш мақсадида бир қатор вариантлар устида бош қотиргандик. Биз уюшма раҳбариятига плей офф баҳслари орқали мамлакат чемпиони номига аниқлик киритиб, еврокубокларда иштирок этувчи жамоалар номига ҳам ойдинлик киритилиши таклифини билдиргандик. Аммо бизнинг таклифларимиз жавобсиз қолди”, дея ўз фикрларини билдириб ўтди Эйнхоорн.

Нидерландия Қироллиги футбол уюшмаси мамлакат чемпионати баҳсларини муддатидан олдин тугатиш ҳақида қарор қабул қилди. Уюшманинг бу тахлит қарор қабул қилишига мамлакат раҳбариятининг 1 сентябрга қадар ушбу юрт стадионларида профессионал футбол учрашувларини ўтказишни тақиқлаш ҳақидаги қарори сабаб бўлган. Яқин вақт ичида уюшма УЕФА билан бу борада ҳам маслаҳатлашиб олиши кўзда тутилган.