Аёллар футболидаги "Сон Хен Мин" championat.asia сайтига интервью берди

- Париж Олимпиадасига саралаш бошланди. Ушбу мусобақа ҳақида фикрларингиз айтиб ўтсангиз?

- Бугун биринчи учрашувни ўтказиб олдик ва ғалаба қозондик. Асосий мақсадимиз Олимпиадага бориш. Ҳиндистонга қарши учрашув осон кечгани йўқ. Осиёда барча жамоалар бизга қарши ёпиқ ва ҳимоявий ўйин намойиш этишади. Ҳимояни ёриб этиш эса осон эмас. Бироқ ўша куни биз ушбу вазифани уддаладик. Кейинги учрашувларда кучлироқ рақиблар кутиб турибди. Қисқа вақт ичида 3та учрашув ўтказамиз.

- Япония терма жамоаси Осиё энг кучлиси. Сўнгги йилларда эса Япония футболи жадал ривожланиб бормоқда. Япония эркаклар терма жамоасининг ўтган жаҳон чемпионатидаги натижаси барчани лол қолдирди. Аёллар футболида эса Япония аллақачон гранд терма жамоалар қаторида. Сўнгги йилларда Японияда футболнинг бу даражада ривожланиб кетишига нима сабаб бўлди деб ўйлайсиз?

- Прогресснинг асосий сабаби бу эътибор. Авваллари Японияда бундай бўлмас эди. Бунга кўп сабаблар келтириш мумкин. Масалан инфратузилма, тажрибали мутахассислар ва аниқ бир тизим. Бу борада ўзимга сезилган жиҳатни айтиб ўта оламан. Ҳозирги кунда биз ҳужумкор ўйин намойиш этишга интиламиз. Футбол ўзгариб бормоқда ва ҳимояга таяниб ўйнаш ҳар доим ҳам натижа бермайди. Қайси жамоа кўпроқ тўпга эгалик қилса, шу жамоанинг ҳужумлари хавфлироқ ва ғалаба қозониш эҳтимоли юқорироқ бўлади. Шунингдек тажрибали мураббийларни жалб этиш ҳам жуда катта аҳамиятга эга деб ўйлайман.

- Кейинги учрашув мезбон Ўзбекистон терма жамоасига қарши. Ўзбекистондан нималар кутмоқдасиз?

- Сизларнинг терма жамоангизда катта мотивация бор. Ўз мухлислар кўз ўнгида ўйнаш ҳар доим ёқимли ва кўпроқ куч беради. Шунга қарамай биз ғалаба қозонишимиз керак. Ўзбекистонга қарши учрашув осон кечмаслиги аниқ.

- Ўзбекистонда аёллар футболини ривожлантириш учун нималар қилиш керак. Ўзбекистонлик футболчилар ҳам сиз каби Европада тўп тепадиган даражага етиш учун нима маслаҳат бера оласиз?

- Биринчи навбатда мутасаддилар аёллар футболига эътибор қаратиши керак. Аёллар футболига эътибор жуда кам, ҳамма эркаклар футболига эътибор қаратган. Бундай муаммо бутун мамлакатларида бор. Тўғриси мен сизнинг давлатингизда аёллар футболи қай даражада эканлигидан яхши хабардор эмасман. Адашмасам терма жамоангиз бош мураббийи япониялик мутахассис. Фикримча ҳар бир иш яхши тузилган режадан бошланиши керак. Футболчиларингиз яхши даражада ва катта потенциалга эга. Уларни тўғри ривожлантириш керак холос.