“Аякс”нинг мавсумдаги энг яхши ўйинчиси аниқланди

Ҳаким Зиёш 2019/20 йилги мавсум якунига кўра, “Аякс”нинг энг яхши футболчиси деб топилди. Қайд этиш жоиз, Нидерландия чемпионати коронавирус сабаб муддатидан аввал якунланди. Ҳаким эса жорий мавсум Эредивизияда 21 та ўйинад майдонга тушиб, 6 та гол урди.

Ушбу соврин 1993 йилдан бери топшириб келинади. Зиёш ушбу совринни кетма-кет 3 марта қўлга киритган илк футболчи бўлди. Аввалроқ ушбу совринга кетма-кет 2 бор Луис Суарес (2009, 2010) ҳамда Яспер Силлессен (2015, 2016) эга чиққанди.

Эслатиб ўтамиз, марокашлик футболчи янги мавсумни “Челси” сафида бошлайди.