Австралия U-19 бош мураббийи: "Ўзбекистон ҳимоячилари яхши ўйнашди"

Narzulla Saydullayev

19 окт 2016, 00:49

Ёшлар ўртасидаги Осиё чемпионати доирасидаги Австралия - Ўзбекистон учрашувидан кейин "яшил қитъа" жамоаси устози ўз фикрларини билдирди.

"Бугун хатоларимиз учун жазоландик. Етарли даражада яхши ўйнай олмадик. Рақиб дарвозаси олдида кўп вазият яратмадик. Очко йўқотганимиздан хафаман, аммо кейинги ўйинда барчасини тўғрилашимиз мумкин.

Ўзбекистон ҳимояси жуда яхши ҳаракат қилди. Уларга гол уриш қийин бўлишини билгандик. Биз ўз хатоларимиз туфайли голлар ўтказиб юбордик", - дейди Уфук Талай ОФК расмий сайтига.