"Атлетико" Мората жароҳат олганини эълон қилди

Бу ҳақда "матрасчилар" расмий сайти хабар берди. Футболчи тиббий кўрикдан ўтиши натижасида унинг тиззаси орқа қисмида оғриқ борлиги аниқланган, аммо тикланиш муддати ошкор қилинмаган.

26 ёшли Мората шу йилнинг январь ойида "Челси"дан "Атлетико"га ўтган ва ҳозиргача ижара асосида фаолият олиб бораётганди. 2020 йилнинг ёзида ижара муддати якунланганидан кейин, Альваро мадридликлар билан тўлиқ шартнома тузиши белгиланган.