"Атлетико" футболчиси Мадриддаги карантинни бузганлик учун жарима миқдори қанча эканлигини айтди

- "Ливерпуль" билан ўйиндан сўнг, ҳаммамизга уйда қолишимиз тавсия қилинди. Шаҳар тўхтаб қолган, ҳеч ким кўчага чиқмайди. Фақатгина дорихоналар, бозорлар ва савдо марказлари очиқ ва сиз у ерга фавқулотда ҳолатлардагина боришингиз мумкин. Уйдан руҳсатсиз чиқиб кетиш учун 600 евро миқдорида жарима солинади.

Ҳеч қандай муаммоларга дуч келмаслик учун барча эҳтиёт чораларини кўраман. Айни дамда биз эҳтиёт бўлишимиз ва курашга ҳисса қўшишимиз керак, шундай у тезроқ тугайди, - дейди футболчи.

Сўнгги маълумотларга кўра, Испанияда коронавирусга чалинганлар 20 минг кишидан ошиб кетган.

Эслатиб ўтамиз, 30 ёшли бразилиялик ҳимоячи 2019 йилда "Порту"дан "Атлетико"га ўтган эди.