Асрорбек Тилаволдиев: "Ўзбек футболидаги кумирим - Акмал Холматов"
25 сен 2018 21:30
Янгиликлар

Асрорбек Тилаволдиев: "Ўзбек футболидаги кумирим - Акмал Холматов"

“Нефтчи”(ёшлар жамоаси) - “Ифтихор” (1:1) жамоалари ўртасидаги назорат учрашувидан сўнг меҳмонлар футболчиси Асрорбек Тилаволдиев “championat.asia” сайтига интервью берди.

Бугун яхши учрашув ўтказдик. “Нефтчи” ёшлар жамоаси яхши шаклланган экан, бугун майдонда Суперлига учрашувларида майдонга тушган футболчилар ҳам ҳаракат қилишди. Рақибларимиз майдонда бир-бирларини яхши тушуниб ҳаракат қилишди, тўп назорати кўпроқ уларда бўлди. “Ифтихор” жамоаси энди шаклланмоқда, ўйиндан ўйинга ўсиб бораяпмиз. Мана шундай ўйинлар биз каби ёш футболчиларга катта тажриба мактаби бўлади.

Ўзбек футболида Одил Аҳмедов, Виталий Денисовларни ўйинларига қизиқаман. Футболдаги асосий кумирим-ҳозирги кунда жамоамиз аъзоси, тажрибали футболчи Акмал Холматов, бундай футболчилар билан бир жамоада ҳаракат қилиш ҳар қандай футболчига қўшимча иштиёқ беради.

Бекзод Толибов ёзиб олди.