Асрор Алиқулов: "Мухлисларнинг бундай босими остида футбол ўйнаш осон эмас"
06 апр 20:49
Янгиликлар

Асрор Алиқулов: "Мухлисларнинг бундай босими остида футбол ўйнаш осон эмас"

Суперлиганинг 4-туридан ўрин олган "Андижон" - "Машъал" (1:0) учрашувидан сўнг меҳмонлар бош мураббийи Асрор Алиқулов матбуот анжуманида иштирок этди.

Ўйин ҳақида

- Биринчи навбатдаги бундай атмосфера намойиш этаётган мухлислар қаршисида футбол ўйнаш катта завқ бағишлайди. Футболчиларнинг ҳам катта кучи шунда. Жамоамиз футболчилари бу босимни енгиб ўтиш учун ҳаракат қилдик. Иккинчи бўлимда ўйинга қўша олдик. Мезбонлар ҳужумларига қарши тура олдик, вазиятларни тенглаштирдик. Футболчиларга эътирозим йўқ, бугун улар борларини беришди.

- "Пахтакор"га қарши йирик мағлубиятдан сўнг футболчиларни бугунги ўйинга тайёрлаш қандай кечди?

- Осон бўлмади албатта. Жуда қийналдик, тўғрисини айтганда ўша мағлубият босимидан хатто биз мураббийлар штаби чиқиб улгурганимиз йўқ. Ўша ўйиндан кейин Андижонда ўйнаш янада қийин бўлди. Ўтиб бўлган ўйинни ёддан чиқардик, эътиборни "Андижон" билан ўйинга эътибор қаратдик.

- Бугун нима учун жамоанинг асосий тажрибали футболчилари биринчи бўлимда майдонга туширилмади?

- Про-лигадан бирданига Суперлигага киришиб кетиш осон эмас. Хумоюн Муртозаев ҳозирда шунга интилаяпти, борини бериб ҳаракат қилаяпти. Жамоани олдинга етаклаш учун уринаяпти. Суперлигада ҳозир осон эмас.