Асқар Умаров: "Уйга уч очко билан қайтишимиз ҳеч гап эмасди"
27 мар 2022 19:53
Янгиликлар

Асқар Умаров: "Уйга уч очко билан қайтишимиз ҳеч гап эмасди"

Про лиганинг 4-тури доирасида ўтказилган "Бухоро" – "Зомин" (1:1) учрашувидан сўнг меҳмонлар бош мураббийи Асқар Умаров фикрларини билдирди.

"Ушбу баҳсга муносиб тайёргарлик кўрган эдик. Йигитлар машғулотлардаги ишланмаларимизни майдонда намойиш қилишди. Фикримча, бизда вазиятлар кўп бўлди. Аммо улардан фойдалана олмадик. Уйга уч очко билан қайтишимиз ҳеч гап эмасди.

Ҳакамларга баҳо бериш менинг ишим эмас, лекин тўп рақиб футболчиси қўлига теккан жойда пенальти беришмади. Баҳсли вазиятларда рақиб фойдасига қарор чиқаришди.

Майдон ҳолати яхши. Про лига талабига жавоб беради. Икки жамоа бир хил шароитда тўп тепди. Биринчи голда ҳимоячимиз хато қилди", – деди Асқар Умаров.

Ҳавола :

Манба : championat.asia

Янгиликларни Телеграмда ўқинг!

Рейтинг: +4