“Асаҳи Шимбун” вакиллари “Бунёдкор” меҳмони

Якшанба куни бўлиб ўтган “Бунёдкор” – “Насаф” учрашувида иштирок этиб, стадион билан танишган нашр вакиллари Хитоки Накагава ва Татьяна Крапивина бугун “Бунёдкор” футбол клубининг бугунги кундаги ҳолати, футбол мактабида олиб борилаётган ишлар хусусида маълумот олдилар. Футбол мактабимизда тарбияланаётган ёш болакайлар билан суҳбат уюштирдилар. 1999 йилда туғилган футболчилар машғулотини кузатдилар. Меҳмонларга “Бунёдкор” ФК бош мураббийи Сергей Лушчан ҳамрохлик қилиб, уларни қизиқтирган саволларга жавоб қайтарди.