Артём Макосин: "Бугун нохуш анъанага чек қўймоқчимиз"

Мазкур ўйин олдидан "кончилар" посбони Артём Макосин фикри билан қизиқдик.

—Кўз тегмасин бу йил мавсумни ижобий натижалар билан бошладик, — дейди “Қизилқум” жамоаси дарвозабони Артём Макосин. — Ўтган турда олий лига дебютанти — “Обод” жамоаси билан ўйинда қимматли очоколарни қўлдан чиқардик.  Қолаверса, бу чемпионатимизда кучсиз рақиб йўқлигини кўрсатиб берди.  Бугун эса янада жиддий рақибга қарши майдонга тушамиз.

“Пахтакор” билан ўтадиган учрашув чоғида стадион мухлислар билан тўлиб-тошишига шубҳа йўқ. Жамоадошларимнинг ўйин олдидан кайфиятлари аъло. Ҳар қандай вазиятда ҳам бугун майдонга фақат ғалаба иштиёқида чиқамиз. Ҳозиргача “Қизилқум” ўз майдонида пахтакорчиларни мағлубиятга учратмаган. Мақсадимиз ана шу нохуш анъанага чек қўйиб, навоийлик мухлисларни хурсанд қилишдир, - дейди Макосин.

“Қизилқум” ПФК Матбуот хизмати.