Артета Гёкереш сафдан чиққанини маълум қилди

"Мен хавотирдаман, чунки унинг мушакларида бирон бир муаммо йўқ эди. У майдонни тарк этаётганида ноқулайлик ҳис этди. У "Славия"га қарши ўйнолмайди. Машғулот ҳам ўтказмади. Жароҳатнинг даражасини аниқлаш учун кейинги бир неча кун ичида яна бир нечта текширувдан ўтади. Айтганингиздек, у жуда яхши кайфиятда эди, жуда яхши формада эди. У жамоа учун жуда муҳим, лекин бугун таркибда бўлмайди", – деди испаниялик мураббий.

27 ёшли швециялик 2025/26 йилги мавсум 14 ўйинда 6 та гол урди.

"Арсенал" ЕЧЛ 4-турида сафарда "Славия" билан баҳс юритади. Ўйин бугун Тошкент вақти билан 22:45 да бошланади.