"Арсенал" Влахович учун 55 млн евро ва Торрейрани таклиф қилди

Лондон клуби форвард учун 55+15 млн евро таклиф қилди. "Канонирлар" 55 млн евро тўлашга тайёр, клуб "Фиорентина"га ярим ҳимоячи Лукас Торрейра беришга ва шу билан 15 млн евролик товон пулини қоплашга тайёр.

Эслатиб ўтамиз, уругвайлик итальян жамоасида ижара асосида ўйнайди, битимда ўйинчини 15 млн еврога харид қилиш борасида банд бор.

"Фиорентина"нинг Влаховични январда қўйиб юбормаслиги аниқ, аммо "Арсенал" итальян клуби билан ёздаги трансфер бўйича ҳозирданоқ келишишни хоҳламоқда.

Сербиялик форвард жорий мавсум "Фиорентина" таркибида барча мусобақаларда 22та ўйинда майдонга тушиб, 18та гол ва 2та ассист қайд этди.