Gabriel Martinelli "Arsenal" bilan 2027 yilgacha amalda bo'ladigan to'rt yarim yillik bitimga kelishib oldi. Braziliyalik futbolchining "to'pchilar" bilan hozirgi shartnomasi keyingi mavsum oxirida tugaydi. U "Arsenal"da yana ikki yil o'ynash imkoniga ega edi. Yangi kelishuv loyihasi hozirda yakuniy bosqichga ko'tarilgan.
21 yoshli futbolchi 2019 yilning iyul oyida Premer-liga klubi safiga qo'shilgan. Ushbu mavsumda Martinelli "Arsenal" tarkibida 27 ta o'yinda ishtirok etib, 7 ta gol urdi va jamoadoshlarining 3 ta goliga assistentlik qildi.
