"Арсенал" мухлислари Мадуэке трансферига қарши чиқишмоқда
12 июл 18:15
Янгиликлар

"Арсенал" мухлислари Мадуэке трансферига қарши чиқишмоқда

"Арсенал" мухлисларининг бир қисми Нони Мадуэкенинг трансферига қарши чиқди.

Аввалроқ, 23 ёшли қанот футболчиси 48,5 миллион фунт стерлинг эвазига "Челси"дан "Арсенал"га ўтиш арафасида эканлиги маълум бўлганди.

4000 дан ортиқ киши имзолаган петиция тузилди ва #NoToMadueke (#МадуэкегаЙўқ) ҳештеги ижтимоий тармоқларда тез тарқалди. Бундан ташқари, номаълум шахслар "Эмирейтс" стадиони яқинидаги деворга "Артета кетсин" деган суратларни чизишди.

Сўнгги йилларда "Арсенал" "Челси"дан олти нафар ўйинчини ўз сафига қўшиб олган ва Мадуэке ушбу трансфер ойнасида дарвозабон Кепа Аррисабалагадан кейин иккинчи трансфер бўлади. BBC’нинг таъкидлашича, айрим мухлислар "Арсенал" янада таниқли футболчиларни жалб қилишга интилиши керак, деб ҳисоблашмоқда.

Ҳавола :

Манба : BBC

Янгиликларни Телеграмда ўқинг!

Рейтинг: +2