АПЛ учун кураш. Плей-офф финалида Жон Терри ва Фрэнк Лэмпард жамоалари ўйнайди
16 май 2019 11:30
Янгиликлар

АПЛ учун кураш. Плей-офф финалида Жон Терри ва Фрэнк Лэмпард жамоалари ўйнайди

Теглар : Чемпионшип Англия Премьер-лигаси

14 ва 15 май кунлари Чемпионшипнинг 3-дан 6-ўрингача ўринни эгаллаган клублари АПЛга чиқиш учун плей-офф жавоб учрашувларини ўтказишди.

"Вест Бромвич" ҳамда "Астон Вилла" ўртасидаги биринчи ярим финалнинг жавоб ўйини 1:0 ҳисобида "Вест Бромвич" ғалабаси билан якунланди. Илк баҳсда "Астон Вилла" шу ҳисобда зафар қучгани учун жамоалар пенальтилар сериясида омадини синашди. "Челси" собиқ ҳимоячиси Жон Терри бошқараётган "Астон Вилла" лотереяда омадли чиқди ва плей-офф финалига чиқди.

Иккинчи ярим финалда Фрэнк Лэмпард бошчилигидаги "Дерби Каунти" "Лидс" меҳмони бўлди. Ушбу жамоалар ўртасидаги биринчи ўйин 1:0 ҳисобида "Лидс"нинг ғалабаси билан якунланган эди. Лэмпард жамоаси жавоб ўйинида рақибни 4:2 ҳисобида енгди ва финал йўлланмасини нақд қилди.

Шундай қилиб, "Челси" афсоналари Жон Терри ва Фрэнк Лэмпард жамоалари АПЛнинг сўнгги "чиптаси" учун финалда тўқнаш келишади.

Сўнгги учрашув 27 май куни Лондондаги "Уэмбли" стадионида бўлиб ўтади.

Ҳавола :

Манба : championat.asia

Янгиликларни Телеграмда ўқинг!

Рейтинг: +24