Манчестер Юнайтед – Ливерпуль
«Олд Траффорд»
Манчестер Юнайтед – Хендерсон, Уан-Биссака, Линделеф, Магуайр, Шоу, Погба, Мактомини, Фред, Бруну Фернандеш, Рэшфорд, Гринвуд.
Ливерпуль – Алиссон, Александер-Арнолд, Кабак, Робертсон, Филлипс, Тиаго Алькантара, Фабиньо, Мане, Милнер, Салах, Фирмино.
21:44. Учрашув қолдирилди. Баҳснинг бўлиб ўтиш санаси яқин вақтларда эълон қилинади.
21:34. АПЛ матбуот хизмати хабарига кўра, ушбу ҳолат туфайли "Манчестер Юнайтед"ни жиддий жазо кутмоқда.
21:32. Наҳотки, шунча пайтда ҳам учрашувнинг бошланиш вақти аниқланмаса...
21:16. Учрашувни бугун ўтказишнинг иложи бўлмайдиёв. Мухлислар бирор машиналарни ўтказиб юбормаяпти.
21:14. "Олд Траффорд" йўлида ҳали ҳам намойишчиларнинг бир қисми бор. Улар машина йўлидаги бир қора машинага кескин ҳужум қилишди. Машина тезкорлик билан қочиб кетди.
21:08. Бундай воқеликларни умримда биринчи марта матнли трансляция қиляпман)
20:55. Расмий баёнотга кўра, футболчилар ҳали стадионга етиб келишмаган. "Олд Траффорд" йўлидаги ҳолат сабабли улар меҳмонхонадан чиқарилмаган.
20:48. Майдонга фишкалар қўйилди ва тўплар олиб чиқилди. Футболчилар яна ўйинолди машғулотни ўтказишади.
20:47. Кутишда давом этамиз.
20:42. Сокинлик. Ҳеч қандай янгилик йўқ.
20:36. Ҳали ҳам учрашувнинг қачон бошланиши маълум қилинмаган. Кутишда давом этамиз. Аммо стадион атрофи намойишчилардан тозалангани аниқ.
20:34. Намойишчилар орасида 12-13 ёшли болакайлар ҳам бор)
20:32. Аҳолининг бир қисми "Олд Траффорд"га олиб борадиган кўприкдан нариги томонга олиб ўтилди. Стадион атрофи деярли тозаланган кўринади.
20:30. Аста-секин тартибсизлик бостирилаётганининг гувоҳи бўлаяпмиз. Аҳоли ўз уйларига тарқалмоқда.
20:29. Ассалому алайкум, ҳурматли футбол ишқибозлари! Эътиборингизни "Олд Траффорд" атрофига қаратамиз. Бу ерда тартибсизлик!
