Анвар Бердиев: "Ушбу учрашувда мени хурсанд қилган нарса - "ноль"га ўйнаганимиз"

Анвар Бердиев: "Баҳс оғир ўтди. "Юниред" иккинчи даврани яхши бошлади. Улар Ғузорга яхши кайфиятда келишган эди, бироқ шогирдларим барча кўрсатмаларни тўғри бажаришди. Имкониятдан фойдаланиб барчани "Мустақиллик байрами" билан табриклайман".

- Учрашувдаги дастлабки гол 9 дақиқада урилди. Тезкор гол ҳисоб йирик кўринишга келишига ёрдам бердими?

- Футбол 90 дақиқа давом этади, голлар эса сониялар ичида урилади. Тўғри, тезкор гол ишимизни осонлаштирди, лекин футболчиларимга доим бир гапни қайтараман: "Баҳс дастлабки хуштакдан, охирги хуштак овозигача давом этади".

- "Шўртан" ҳозиргача 20та гол уриб, 18та гол ўтказиб юборган. Бу нормал ҳолатми?

- Йўқ, нормал эмас. Ҳимоячилар билан ишлаяпмиз, бироқ бу баҳона бўла олмайди. Жамоамиз сўнгги бор "ноль"га ўйнаганини эслай олмайман, йигитлар бугун хурсанд қилишди.

- Захирадагилар ишончни оқлашдими? Уларнинг вазифаси ҳисобни ушлаб қолишмиди ёки кўпроқ голлар уриш?

- Мен ҳеч қачон захирадан майдонга тушаётган футболчиларга ҳисобни ушлаб қолиш ҳақида гапирмайман.

- Бу баҳс "Шўртан"нинг мавсумдаги энг яхши ўйини бўлди дея оласизми?

- Ҳар бир ўйинда қийналяпмиз. Ушбу учрашувда мени хурсанд қилган нарса - "ноль"га ўйнаганимиз. Ҳужумдаги футболчиларимиз ҳам ўз вазифаларини яхши бажаришди. Ҳали олдинда ўйинлар бор, бу "Шўртан"нинг жорий мавсумдаги энг яхши ўйини эмас.