Анвар Бердиев: "Осон ўтмаган ўйинда ғалабага эришдик"
21 авг 21:47
Янгиликлар
![](https://championat.asia/upload/storage/799489_original.jpg)
![](/upload/storage/799489_220.jpg)
Анвар Бердиев: "Осон ўтмаган ўйинда ғалабага эришдик"
Ўйин ҳақида
- Ўйинни кўрдинглар, ғалабага осонликча эришмадик. Про-лигада ҳозир ҳар бир жамоа очко учун жиддий кураш олиб бораяпти. Йигитларга рахмат, осон ўтмаган ўйинда бизга ғалаба тақдим этишди.
- "Шўртан" танаффусдан стартда 1 мағлубият, 1 дуранг ва бугун ғалаба қайд этди. Сизнингча, жамоа мавсумнинг иккинчи қисмини қандай бошлади?
- Албатта, ўз уйимизда мағлуб бўлсак, бу жуда аламли. Стартда "Бухоро"га ютқазиб қўйдик. Ортга қараш керакмас, натижа қайтиб келмайди. Олдиндаги ўйинларда йўқотилган очколар ўрнини қоплаш учун жиддий ҳаракат қилишимиз лозим бўлади.
- "Дўстлик"нинг жадвалдаги ўрнидан ва четлатишдан келиб чиқсак, "Шўртан" бугун ғалабага осон эришадигандек кўринганди. Лекин ўйин осон ўтмади...
- Тўғри айтдингиз, ҳозир Про-лигада ҳар бир ўйин осон ўтмаяпти. Футболчиларимиз ҳам дастлабки дақиқаларда шу фикрда бўлишган кўринади. Ҳакам ҳуштаги чалиниб ўйин бошланганидан ҳар бир футболчи майдонда жон-жаҳди билан ҳаракат қилиши керак. Кейин ўйинни қайтариб қолиш қийин бўлади.
- Жасур Ўриновнинг тўпни қўл билан ўйнаб, майдонда четлатилган вазиятини қандай баҳолайсиз?
- Албатта, буни оқламайман. Ҳар бир футболчи жамоа манфаати йўлида ишлаши керак. Сариқ карточкаси бор эканини билиб туриб ҳам қўл билан ўйнади ва хато қилди.
- Навбатдаги ўйин "Машъал"га қарши бўлиб ўтади. Шу учрашув ҳақида фикрингиз?
- Дербилар ҳар доим ўзгача ўтади. Чунки ўз номи билан дерби. Биз бу ўйинга ҳам бошқа жамоалар билан бўлгани каби тайёргарликка киришамиз. Бугунги ўйинни таҳлил қилиб чиқиб, йўл қўйилган хато ва камчиликлар устида ишлаймиз.
Ўхшаш янгиликлар
![AMP Logo](https://championat.asia/image/logo-amp.png)
Фикрлар