Анвар Бердиев: "Жамоамда легионерлардан кўра, маҳаллий футболчиларининг ўйнаши тарафдориман"

Ўйин ҳақида

- Оғир ўйин ўтказдик. Имкониятларимиз бўлди, бироқ фойдалана олмадик. Гол ура олмаган жамоа ғалаба қозонмайди. Бизга бугун етакчи, масъулиятни ўз зиммасига оладиган футболчи етишмади.

- "Шўртан" жамоасининг мавсум давомида қўлга киритган энг қийин ғалабаси қайси бўлди?

- Про-лигада ўткинчи ўйинлар бўлмайди, ҳар бир ғалаба катта машаққатлар эвазига қўлга киритилди. Алоҳида айтиш жоиз бўлса, "Динамо" устидан қозонилган ғалабани кўрсатган бўлардим.

- Сизнингча, жамоанинг қайси чизиғини кучайтириш жоиз?

- Биз кўп гол уриб, кўп ўтказиб юбордик. Ҳимоя чизиғини кучайтиришимиз зарур.

- "Шўртан" таркибига легионер футболчиларни жалб этиш режаси борми?

- Кўрамиз, яхши легионер бўлса, балки жалб қилармиз. Лекин назаримда легионердан кўра, маҳаллий футболчиларга имконият берилиши яхшироқ деб ҳисоблайман.

- Клубда таркибга легионер жалб этиш учун маблағ йўқми? Ёки сиз легионер футболчини ўйнатишни хоҳламайсизми?

- Клуб раҳбариятига раҳмат айтаман, бизга барча шароитларни яратиб беришган. Мен легионер футболчидан кўра, маҳаллий футболчиларни ўйнатиш тарафдориман.

- "Шўртан"да янги мавсумда янги номларни кўрамизми?

- Албатта, чизиқларни кучайтириш мақсадида янги футболчиларни таркибга жалб этиш режамиз бор.