Анвар Бердиев: "Ҳеч бир натижа осонликча қўлга киритилмаяпти"

Ўйин ҳақида

- Авваламбор, Ўзбекистон аҳлини, барча футбол мухлисларини кириб келаётган Рамазон ойи билан муборакбод этаман. Аввал ҳам таъкидлагандим, Про-лигада ўткинчи ўйинлар бўлмайди. Гувоҳ бўлганингиздек, ҳеч бир натижа осон қўлга киритилмаяпти.

Яратиб берилаётган шароитлар учун клубимиз раҳбариятига миннатдорчилик билдираман. Шунингдек, узоқ масофа бўлишига қарамасдан стадионга келиб бизни қўллаб-қувватлаган мухлисларимизга раҳмат. Келгуси ўйинларда яна ғалабаларга эришиб асосий мақсадимиз йўлида интилишда давом этамиз.

- Кореялик футболчи Ким Бо Йонг нега захирада қолиб кетди?

- Ким Бо Йонг аввалги турларда мунтазам ўйнади. Биз уни иккинчи бўлимда майдонга тушириб олдинги чизиқдаги тезкорликни кучайтирмоқчи эдик. Лекин, ўйин давомида вазият ўзгариб кетди. Бундан ташқари ҳужумчимиз Хумоюн Муртазоев айни дамда юқори даражада ўйин намойиш этмоқда.

- Иккинчи бўлимда майдонга туширилган Сиёвуш Хабибуллоевнинг яна захирага олиниши Саидафзалхон Аҳроровнинг қизил карточка олиши билан боғлиқми?

- Ҳа, шундай деса ҳам бўлади. Аҳроров қизил карточка олиб майдонни тарк этгач, унинг ўрнини тўлдириш учун Сиёвуш Хабибуллоевни захирага олдик. Ярим ҳимоячи ўрнига ҳимоячини майдонга туширдик.