"Аввало, ўйин бошида юзага келган вазиятга тўхталмоқчиман. "Андижон II"нинг жароҳат олган футболчиси (Абубакир Режаббоев – таҳр.) тезроқ соғайиб кетишини тилайман. Бу ҳолатдан кейин ўйин темпи пасайиб қолгандай туюлди. Мен ўйин олдидан футболчиларга ҳар бир баҳсга жиддий ёндашиш кераклигини тушунтиргандим. Талайгина вазиятлардан фойдалана олмадик. Худога шукрки, битта тўп киритиб, ғалаба қозондик. Жамоамиз аъзоларини, раҳбариятни, мухлисларни кейинги босқичга чиққанимиз билан табриклайман!
Кейинги босқичда қайси рақибга қарши ўйнашни истайман? - Ҳеч бир жамоани ажратиб кўрсатмоқчи эмасман. Ҳар бир рақибга жиддий ёндашамиз", – деди Бердиев.
"Ҳаммани ғалаба билан муборакбод этаман. Ўйин яхши бўлди. Кўп имкониятлар ҳосил қилдик, аммо барчасидан ҳам фойдалана олмадик. Биргаликда меҳнат қилиб, гол урдик ва ижобий натижага эришдик. Жамоамиз аъзоларини табриклайман!", – деди Чобанов.
