"Антверпен" янги аъзоси Муҳаммадали Ўринбоев: "Ўзбекистонни янада танитишга ваъда бераман!"
07 июл 2025 19:20
Янгиликлар

"Антверпен" янги аъзоси Муҳаммадали Ўринбоев: "Ўзбекистонни янада танитишга ваъда бераман!"

"Пахтакор"дан Бельгиянинг "Антверпен" жамоасига ўтган Муҳаммадали Ўринбоев Instagram саҳифасида "шерлар" билан хайрлашди.

"Ассалому алайкум! Бугун юрагимда алоҳида ўрин тутган "Пахтакор" клуби билан хайрлашиш вақти келди.
Бугунги кунгача клубдаги фаолиятим жараёнида қўллаб-қувватлаган барчага – "Пахтакор" мухлисларига, жамоадошларимга ва мураббийларимга чексиз миннатдорчилигимни билдирмоқчиман! Бундай жамоада фаолият юритганимдан жуда фахрланаман. Мен учун жамоадошларим ва "Пахтакор" делегацияси доимо оилам каби бўлиб қолади!
Янги жамоамда ўз кучимни кўрсатиб, энг яхши натижалар қайд этишга ва Ўзбекистонни янада танитишга ваъда бераман!", – деди ўзбекистонлик вингер.