Антонио Конте Стерлингни "Наполи"да кўришни истамоқда
25 июл 2025 20:12
Янгиликлар

Антонио Конте Стерлингни "Наполи"да кўришни истамоқда

"Челси"нинг англиялик вингери Раҳим Стерлинг тез орада "нафақахўрлар"ни тарк этиб, А Серияга ўтиши мумкин.

"La Gazzetta dello Sport" хабарида айтилишича, 30 ёшли англиялик футболчи "Наполи"нинг эътиборини тортган. Вингернинг номзодини шахсан Неаполитан клуби устози Антонио Конте маъқуллаган.

Қайд этиш жоиз, "Челси" янги мавсумда Стерлингга ишонч билдирмайди. Бунгача матбуотда инглиз футболчиси Леверкузеннинг "Байер" клубига ўтиши мумкинлиги ҳақида хабарлар тарқалганди.

Эслатиб ўтамиз, Раҳим Стерлинг олдинги мавсум ижара асосида "Арсенал" шарафини ҳимоя қилди. "Канонирлар" таркибида АПЛнинг 17 учрашувида 2 та голли узатмани амалга оширди.

Ҳавола :

Манба : La Gazzetta dello Sport

Янгиликларни Телеграмда ўқинг!

Рейтинг: +3