Англия полицияси Рэшфордни твиттерда ҳақорат қилган болалар мураббийини ушлади

Энг қизиғи, қўлга олинган шахс 50 ёшли, болалар футболи мураббийи бўлиб чиқди. Поуик шаҳарчасидан бўлган мураббий твиттер орқали Маркус Рэшфордни ирқий камситишлар билан ҳақорат қилган. Эркак бу хабарларни у ёзмагани, унинг аккаунти хакерлар ҳужумига учраганини таъкидламоқда.

Эслатиб ўтамиз, шу кунларда Евро-2020 финал ўйини доирасида, пенальтилар сериясида хатога йўл қўйган Сака, Рэшфорд ва Санчо каби ўйинчиларни ижтимоий тармоқларда оммавий равишда ирқий камситиш ҳолатлари юз бераётганди. Полиция эса ушбу ҳолатларга аёвсиз курашишга ваъда берди.