Англия кубоги чорак финалига қуръа ташланди, МЮ яна сафарда ўйнайди

"Стэмфорд Бридж" стадионида ўтган беллашувда "Манчестер Юнайтед" жамоаси мезбон "Челси"ни Эррера ва Погбаларнинг голлари эвазига 2:0 ҳисобида мағлуб этди.

Бироз аввал мусобақанинг чорак финалига қуръа ташлаш маросими бўлиб ўтди. Унга кўра, жуфтликлар қуйидагича кўриниш олди:

Англия кубоги
Чорак финал

"Суонси" – "Манчестер Сити"
"Уотфорд" – "Кристал Пэлас"
"Вулверхэмптон" – "Манчестер Юнайтед"
"Миллуолл" – "Брайтон"

Қайд этиш жоиз, Оле Гуннар Сульшер бошчилигидаги МЮ кубокда кетма-кет учинчи бор сафарда тўп тепади. Бунгача "Қизил иблислар" "Арсенал" ва бугун "Челси"ни меҳмонда таслим қилишган эди. Энди эса ярим финалга чиқиш учун "Вулверхэмптон" майдонига сафар уюштиришади.

Эслатиб ўтамиз, Англия кубогининг чорак финал ўйинлари 15-18 март кунлари бўлиб ўтади.