Англия 7-дивизиони жамоаси Холанднинг қисқа ижараси бўйича “Ман Сити”га расмий таклиф юборди

Клуб расмий сайтидаги маълумотга кўра, қуйи лига вакили Холандни 28 кунга ижрага олмоқчи.

“Бу ҳақиқатан мантиққа эга. “Сити” ўйнамайди (ЖЧ-2022 туфайли) ва Эрлингга жисмоний ҳолатини сақлаб қолишига ёрдам бермоқчимиз. 6 ҳафта гольф ўйнашдан кўра яхшироқ.

Ўйлашимча, у бизга тўғри келарди, жамоамизга мос тушади”, дейди “Эштон Юнайтед” устози Майкл Клегг.

Мазкур жамоа ҳозирда ўз чемпионатида 19 турдан кейин 25 очко билан 22 иштирокчи орасида 11-ўринда бормоқда.