UZ

Андро Гиоргадзе: "Ҳатто дуранг ҳам биз учун яхши натижа эди, лекин ғалаба қозонишни уддаладик" Янгиликлар

Андро Гиоргадзе: "Ҳатто дуранг ҳам биз учун яхши натижа эди, лекин ғалаба қозонишни уддаладик"

Суперлиганинг 8-туридан ўрин олган "Бунёдкор" – "Қўқон-1912" (1:2) учрашувидан сўнг меҳмонлар ҳимоячиси Андро Гиоргадзе ўз фикрлари билан ўртоқлашди.

"Оғир ўйин бўлди. "Бунёдкор" – кучли жамоа. Турнир жадвалидаги ўрнидан ҳам кўриниб турибди. Шундай экан, уларни осонликча мағлуб этиб бўлмасди, ҳатто дуранг ҳам биз учун яхши натижа бўларди, лекин биз ҳаракат қилдик, мураббийнинг барча кўрсатмаларини, айтганларини 200 фоиз бажардик. Натижада, "Бунёдкор"ни сафарда енгишга муваффақ бўлдик. Шу боис, жамоамиздаги барча аъзоларни, бутун Қўқон шаҳри мухлисларини табриклайман. Бу жуда ёқимли. Худо хоҳласа, шундай давом этамиз.

Шуни айтмоқчиманки, бу йилги Ўзбекистон чемпионатида осон ўйинлар йўқ. "Насаф" билан ўйнайсизми, "Бунёдкор" ёки "Пахтакор" билан ёки кучли олтиликдан қуйидаги жамоалар биланми – фарқи йўқ. Барча ўйинлар мураккаб ўтади. Натижа қандай бўлишини ҳеч ким айта олмайди. Буни вақт кўрсатади. Биз қўлимиздан келганини қиламиз, яхшилаб тайёргарлик кўрамиз. Иложи борича тетик, ўйинга шай ҳолда келамиз. Қолганини ўйин кўрсатади", деди грузиялик футболчи.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика