Андрей Микляев "Насаф" билан ўйиндан кейин нимани тан олди?

- Бугун финалда ўйнашга лойиқ бўлган икки жамоа баҳс юритди. “Насаф” ҳам чемпионатимиздаги энг яхши жамоалардан бири. Умуман олганда финалга чиққанимиздан мамнунман.

Бугун бироз бошқача услубда ўйнадик. Сабаби, “Насаф” натижадан келиб чиқиб, олдинга ўтиши аниқ эди. Бизнинг асосий мақсадимиз дастлабки 15 дақиқа давомида гол ўтказиб юбормаслик эди. Чунки жамоада ёш ва тезкор футболчилар кўпчиликни ташкил этади.

Кўрдингиз, стадионда жамоани мухлислар қандай қўллаб-қувватлашди. Бу орқали жамоага улар қўшимча куч бағишлашади. Бундай ҳолатда мезбонлар кўпроқ гол киритишлари мумкин. Шуларни ҳисобга олиб шундай ўйнашга мажбур бўлдик.

Чемпионат билан кубок ўйинининг фарқи бор. Бугун бизнинг олдимизга қўйган мақсадимиз бошқа эди. Бугун биз очиқ футбол ўйнаганимизда “Насаф”га осон бўлар эди. Шахсан менга “Насаф”нинг кейинги кўрсатаётган ўйинлари жуда ёқади, буни тан олиш керак.