Андрей Микляев: "БААдан келгач раҳбарият билан учрашув бўлди"

- Ўйин руҳий тарафлама муҳим аҳамият касб этарди. ОЧЛдаги муваффқиятсизликдан кейин бизга ғалаба зарур эди.
Учрашувга келадиган бўлсак, биринчи бўлимда тўлиқ ташаббус билан ўйнадик. Аммо яратилган вазиятлардан унумли фойдалана олмадик. Иккинчи таймда эса Игнатий Нестеров бизни голлардан сақлаб қолди ва кейинчалик ўзимизни голларимизни урдик.
Нестеров? Ҳар бир дарвозабон ўз шеригини хатосини кутади. Маъмур Икромов жамоамиз дарвозасини қўриқлаган учрашувларда адашмагани учун уни алмаштиришга сабаб йўқ эди. Шу боисдан ҳам "Ал Аҳли" билан баҳсда Икромовни дарвозага қўйгандик. Аммо адашдик.
Бизда дарвозабонлар бўйича мураббий бор. Кимни қачон тайёр эканлигини дарвозабонлар мураббийи маслаҳат беради. Икромов хато қилди ва захирадан жой олди. Энди Икромов Нестеровни хатосини кутади (кулади). Дарвозабонларнинг бошқа чораси йўқ.
ОЧЛдаги муваффақиятсизликдан кейин, БААдан келишимиз билан раҳбарият билан учрашув бўлди. Энди бор эътиборимизни ички чемпионатдаги ўйинларга қаратамиз. Чемпионат ва кубок баҳсларидаги вазифаларни бажаришга ҳаракат қиламиз.