Андреа Пирло "Милан"га қарши ўйиндаги ғалабадан сўнг фикр билдирди

"Биз учун ғалаба қозониш муҳим эди. Жадвалда биздан юқорида бораётган жамоанинг натижалари қизиқ эмасди. Биз ўз ўйинларимизга эътиборни қаратамиз. Кўрамиз, икки ойдан сўнг вазият қандай кўриниш оларкин. 

"Ювентус" ўйинни назорат қилишни истайди ва А Серия етакчисига қарши ўйинда бундай кайфият биз учун муҳим эди. 

Жамоамизда барча футболчилар бир вақтда асосий таркиб ўйинчиси ҳисобланишади, ёки аксинча. Биз рақибдан келиб чиқиб, таркибни танлаш имкониятига эгалигимиздан хурсандмиз. 

Дибала тезроқ формага кириб олишини истаймиз. У ҳозир 100 фоиз тайёр эмас. Жисмоний тайёргарлик билан боғлиқ қандайдир муаммолар юзага келганди, ҳозирча бу мавсумда у ўзининг чўққисига чиққани йўқ", - деди Пирло.