"Андижон"да тайёргарлик бошланди ва таркибга Абдуллоҳ Олимов қўшилди
29 июл 2015 10:15
Янгиликлар
"Андижон"да тайёргарлик бошланди ва таркибга Абдуллоҳ Олимов қўшилди
Тошкентда олиб борган йиғиндан кейин Эдгар Гесс футболчиларга бир кунлик дам берганди.
Кечки машғулот одатдагидек “Соғлом авлод” стадионида бўлиб ўтди. Машғулотларда барча футболчилар, шунингдек, янгилардан Иқбол Бобохонов ва Анвар Бердиев ҳам астойдил шуғулланишмоқда. Бугун таркибга иқтидорли футболчи Абдуллоҳ Олимов қўшилганини айтиб ўтиш керак. Ҳуқуқий жиҳатдан “Пахтакор”га тегишли бўлган Олимов ўтган мавсумдан бери “Нефтчи”да ўйнаб келаётганди. Аммо биринчи даврада Олимов чемпионатда фақат битта ўйинда майдонга тушди. Энди у иккинчи даврани “Андижон” сафида ўтказиши мумкин. Шунингдек, бугунги машғулотда янги ўйинчилардан Ҳаял Исмоилов ҳам иштирок этди. Таркибдаги ўзгаришлар иккинчи давра бошлангунига қадар давом этади.
Айни пайтда жамоамизнинг тайёргарлиги 2 август куни “Насаф” билан ўйинга қаратилган. Учрашув “Соғлом авлод” стадионида соат 18:30да бошланади.
Ўхшаш янгиликлар
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар