UZ

Сўнгги янгиликлар

10:37Омар Моманидан янги карикатура: Кепани захирага ўтказиш осон эмас, аммо Менди буни клуб учун қилиши мумкин  0 10:14"Кўк-анорранглилар"нинг янги ўйинчиси бугун Барселонага келади  4 09:52“Тоттенхэм” “Интер” футболчиси учун 50 млн евро таклиф қилди   0 09:38“Арсенал” кетма-кет 6 та ўйинда ғалаба қозонди   1 09:19“Ньюкасл” сафар ўйинида ўз тарихидаги энг йирик ғалабага эришди   0 09:05Биринчи лига. Бугун 4-тур учрашувлари бўлиб ўтади  2 08:58“Реал” футболчиси учун “Милан”, “Наполи” ва “Рома” курашади   0 08:54Жоау Мариу “Интер”ни тарк этади   0 08:49Юрген Клопп Уилсон борасида бир қарорга келди   1 08:46“Барселона”га “Челси” футболчиси керак   0 08:38Про лига. Бугун 8-тур бошланади  2 08:34"Шаҳр Ходро" мураббийи Муҳаммад Навази: "Осиёнинг кучли клубларидан бири билан тенгма-тенг ўйнадик"  3 07:56“Эвертон” 56 йил ичида илк бор бундай натижа қайд этмоқда   2 07:50Англия Лига Кубоги. "Флитвуд" - "Эвертон" 2:5  0 07:45Англия Лига Кубоги. "Лестер" - "Арсенал" 0:2  0

"Андижон"ни мухлислар истайдиган тажовузкор жамоага айлантирмоқчиман" — Александр Хомяков иштирокидаги матбуот анжумани Янгиликлар

"Андижон"ни мухлислар истайдиган тажовузкор жамоага айлантирмоқчиман" — Александр Хомяков иштирокидаги матбуот анжумани

Суперлиганинг 12-тури доирасидаги "Андижон" - АГМК учрашувидан кейин ташкил этилган матбуот анжуманининг иккинчи қисмида мезбонлар бош мураббийи Александр Хомяков иштирок этди.

- Албатта натижадан хафамиз. Ўйиннинг дастлабки дақиқалариданоқ учрашув бизнинг назорат остида ўтмаётгани кўриниб турганди. Биз бошқача ўйин ташкил этишни режалаштиргандик. Пассив ўйин кўрсатдик. Устунликка эгалик қила олмадик. АГМК эса бизнинг хатоларимиздан унумли фойдаланди. Ўтказиб юборилган голни йўққа чиқаришга эришдик. Бироқ иккинчи голга жавоб бера олмадик. Катта куч билан олдинга ўтиб кетиб, ҳимояни унутиб қўйдик. Натижада иккинчи бўлимда қарши ҳужум қурбонига айландик. 

Кейинчалик уюштирилган ҳужумлар самара бермади. Тегишли хулосаларни чиқариш лозим. Охирги ҳафталарда жуда тиғиз тақвим бўлди. АГМК бугун бизга нисбатан енгилроқ ўйнади. Бу сезилиб турди. Ўйин картинасида бугун биз қийналаётганимиз кўриниб турди. Бу жамоавий ҳаракатларда, тезликда, ҳаракатланишда сезилиб турди. 

Мен жамоа номидан ва ўзим номимдан узр сўрайман. Ҳозирги ҳолатимиздан келиб чиқиб, бизни кескин муҳокама қилмасликларини илтимос қилардим. Ишлашда давом этамиз ва хатоларни тузатамиз.

Ишонч кафолати? Албатта клуб раҳбарияти томонидан ишонч сезилмоқда. Улар мени барча жабҳаларда қўллаб-қувватлашмоқда. Мен Андижонга ишлаш учун келдим. Мен стадионга келадиган мухлислар истайдиган ва кўришни хоҳлайдиган ҳужумкор ўйин қурмоқчиман. Бунинг учун маълум вақт талаб этилади. 

Мени ҳавотирга солаётган жиҳат? Кўпроқ жамоа ўз кучига бўлган ишончи у қадар юқори эмаслиги ранжитмоқда. Кўпроқ совуққонлик билан, агрессив, кескинроқ руҳда тажовузкор ўйин қилиш лозим. Айниқса бундай ажойиб қўллаб-қувватлов остида янада мазмунли ва ҳужумкор ўйин кўрсатиш лозим. Қайсидир маънода бугун ҳимоядан, чуқурроқ ҳимояланган ҳолда ўйнасак ҳам бўларди. Кучимизни тежаган ҳолда ўйнасак, иккинчи бўлимда янада яхшироқ ҳаракатланишимиз мумкинмиди. Балки бу натижа келтирармиди. Лекин мухлислар стадионга чиройли ва ҳужумкор ўйин кўриш учун келишларини инобатга олган ҳолда тактика танлагандим. Одатда доим 70-дақиқадан кейин мунтазам гол ўтказиб юбормоқдамиз. Бу кишини ўйлантиради.

Бугун кўпроқ акцент ғалаба ва ҳужумкор ўйинга қаратилганди. Лекин ҳимоя билан ҳужумни бир хил балансда ушлашни эплолмадик. 

Трансфер? Хоҳлардим. Кўпроқ ҳужум чизиғини кучайтиришни ўйлаяпман. Ҳали бу борада аниқ бир тўхтамга келингани йўқ. Трансфер ҳақида ҳали гаплашганимиз йўқ. Чунки ҳали қўл остимдаги футболчиларнинг мавжуд потенциалидан тўла хабардор эмасман. Кейинроқ бу ҳақида ўйлаб кўрамиз.

Мен "Андижон"ни тажовузкор жамоага айлантиришни истардим. Бунинг учун ҳужумда қизиқарли ва креатив ўйлайдиган футболчилар керак бўлади. 


Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика