Мусобақада жами 14 жамоа, 2 гуруҳга бўлинган ҳолда иштирок этиб, ҳар бирида 7 дан жамоа баҳсларда қатнашди.
Ўз гуруҳида 1 ва 2 ўринни эгаллаган жамоалар мусобақанинг ярим финал босқичига йўл олишди. “А” гуруҳида ғолиби 1- ўринни Шаҳрихоннинг “РашМилк” жамоаси эгаллаган бўлса, 2- ўрин Асака тумани “GM Uzbekistan” жамоасига насиб қилди.
“Б” гуруҳида 1-ўринни “УзДонгЯнгКо” жамоаси, 2- ўринни эса “УзТонХонгКо” жамоаси қўлга киритди.
Ушбу жамоалар ўзаро учрашувларда иштирок этдилар. “РашМилк”- “УзТонХонгКо” 4-1. “УзДонгЯнгКо”- “GM Uzbekiston” 4-0.
Учинчи ўрин учун ўтказилган баҳсда “УзТонХонгКо, “GM Uzbekiston” жамоасини 6-2 ҳисобида енгди.
Шўрбулоқ футбол академияси стадионида мусобақанинг финал учрашуви ўтказилиб, унда, Шаҳрихоннинг “РашМилк” жамоаси “УзДонгЯнгКо”ни 4-2 ҳисобида мағлубиятга учратиб, ғолибликни қўлга киритди.
Вилоят футбол ассоциацияси биринчи вице-президенти Бекзодбек Каримов, вилоят жисмоний тарбия ва спорт бошқармаси бошлиғи Ўткирбек Тошпўлатовлар ғолиб совриндорни қутлаб, кубок ва эсдалик совғалари топширдилар.
Элмурод Эрматов
