Андижонда футбол мактаб интернатлари ўртасида Республика саралаш босқич ўйинлари старт олди

2016 йилнинг 22-31 март кунлари Андижон вилояти Андижон шаҳрида Халқ таълими тизимида футбол бўйича ихтисослаштирилган мактаб-интернатларининг ўқувчилари ўртасида ХХ-футбол бўйича мусобақаларнинг Республика (саралаш) босқичи ўйинлари бўлиб ўтади.

Бугун Шўрбўлоқ даҳасида жойлашган “Футболга ихтисослаштирилган мактаб-интернати”да мусобақанинг очилиш маросими ўтказилди. Мезбонлар томонидан ташкилий ишлар муносиб равишда йўл қўйилганини эътироф этиш лозим. Мусобақанинг очилиш маросимига Андижон вилояти ҳокимининг биринчи ўринбосари Нишонов Муҳаммаджон Содиқжонович ташриф буюрди ва чемпионатнинг очилишида сўз олиб, мусобақа иштирокчиларига омад тилаб, дил сўзларини билдирди.

Сўнгра “Андижон” – “Бухоро” жамоалари ўртасида ўйинга старт берилди.

Айтиш лозимки, мазкур мусобақада “Андижон”, “Бухоро”, “Хива”, “Нукус”, “Наманган” ҳамда “Жиззах” жамоалари иштирок этмоқда. 2001 йилда туғилган ўсмир футболчилар ўртасидаги мусобақа 27 март куни якунига етса, сўнгра 2002 йилда туғилган болалар ўртасида мусобақа старт олади.