«Андижон» - «Сурхон» баҳсини Равшан Эрматов бошқаради!

Турнинг марказий ўйини Андижон шаҳридаги «Соғлом авлод» стадионида бўлиб ўтади.
Шу куни севимли «Андижон» жамоамиз Термизнинг «Сурхон» жамоасини қабул қилади. Мазкур муҳим ўйинни ФИФА рефериси Равшан Эрматов бошқариб борадиган бўлди.
Унга қанотларда доимий ёрдамчилари бўлмиш - Абдуҳамидулло Расулов билан Жаҳонгир Саидов ассисентлик қилади. Ҳакамлар назоратчиси этиб тошкентлик Марат Исмоилов тайинланди. Ёдингизда бўлса керак, бу Равшан Эрматовнинг жорий мавсумда биринчи лигадаги иккинчи ўйини бўлади. Сабаби Осиёнинг беш карра "Энг яхши ҳаками" 3-турда "NBU-Осиё" - "Зомин" (1:3) баҳсини ҳам бошқарганди.

Маълумот учун, «Андижон» - «Сурхон» учрашуви 3 сентябрь куни соат 17:00 да бошланади. Барча ишқибозларни севимли жамоамизни қўллаб-қувватлаш учун «Соғлом авлод» стадионига чорлаб қоламиз.



«Андижон» матбуот хизмати.