"Андижон" нима учун Нукусга асосий таркиб футболчиларини олиб бормади?" Ёрқин Назаров иштирокидаги матбуот анжумани

"Бугунги ўйиндан олдин асосий таркиб ўйинчиларимизга дам беришга қарор қилдик ва Нукусга кам ўйин амалиётига эга бўлаётган ёш футболчилар билан келдик. Уларга ҳам қачондир имконият беришимиз керак эди. Бугунги дуранг адолатли бўлди "Арал Самали" жамоасини дуранг билан табриклайман.

Бугун майдонга тушган футболчиларимиз деярли барча кўрсатмаларни бажаришди. 3-4 нафар футболчи ўзини яхши томонлама кўрсатишди ва асосий таркибга лойиқ эканликларини намойиш этишди.

"Арал Самали" жамоасини яхши биламан, таркибида Наврўзбек Алимовдек тажрибали ҳужумчиси бор. Ўйлайманки Про лигада анча мунча рақиблардан очко тортиб олади.

Алимовдан ташқари Азамат Алланиязовни ҳам яхши биламан. Лекин бугун у қадар яхши ҳаракат қила олмади.

Майдон ҳолати яхши, олдинги йилги майдонга қараганда сунъий бўлса ҳам анча яхши.

"Андижон" бугун икки очко йўқотдик, лекин ёш футболчилар ҳақидаги керакли маълумотларга эга бўлдик", - дейди Ёрқин Назаров.