"Хабарингиз бор, жамоамиз аъзолари янги мавсумга жиддий тарзда тайёргарлик кўришмоқда. Маълумот берганимиздек, машғулотлар кунига икки маҳалдан Наманган шаҳридаги “Ёш куч” стадионида ўтказилмоқда. Жамоанинг бугунги кечки машғулотида икки нафар сербиялик футболчилар иштирок этди. Улар ҳимоячи Никола Тасич ва ярим ҳимоячи Марко Потенжинендир.
Жамоамизнинг янги мавсумга тайёргарлиги доирасида бир қатор ўртоқлик учрашувлари ўтказиши борасида маълумот бергандик. Шундай ўйинларнинг дастлабкиси 13 ва 16 январь кунлари Андижоннинг “Андижон” жамоасига қарши ўтказиладиган бўлди.
Андижонликлар билан илк баҳс 13 январь куни Наманган шаҳридаги “Ёш куч” стадионида соат 12:00 да старт олади”, деб ёзилади клуб хабарида.
