“Андижон” Кумиков бошчилигида Янгиерда йиғинга киришди ва ўйин ҳам ўтказди

Суперлиганинг 3-туридан ўрин олган “Андижон” ҳамда “Навбаҳор” жамоалари ўртасидаги учрашувдан кейин, барча жамоалар сингари “Андижон” жамоаси ҳам карантирга йўл олган эди. Орадан маълум муддат ўтгач, ЎзПФЛ Суперлига жамоаларига машғулот ўтказиш учун расман рухсат берди.

Виктор Кумиков бошчилигидаги "Андижон" жамоаси аъзолари ўтган куни Янгиер шаҳрига тўпланишди. Машғулотларни бошлашдан олдин клуб раҳбарият, мураббийлар штаби ҳамда футболчилар ўртасидаги йиғилиш бўлиб ўтди ва унда клуб раҳбарияти футболчилардан карантин қоидаларига жиддий амал қилишларини талаб қилди.

Сўнгра, “Андижон” жамоаси янги бош мураббий Виктор Кумиков қўл остидаги расмий биринчи машғулотларини ўтказди.

“Андижон” жамоаси икки таркибга бўлинган ҳолда ўзаро назорат учрашувини ўтказди.

Унда Виктор Кумиков таркибни қуйидагича танлади:

“Кўклар”: Ислом Абдуллаев, Усмонали Исмоналиев, Дмитро Зозуля, Хушнуд Авилов, Азамат Исроилов, Жамшид Ҳасанов, Фарҳод Бекмуратов, Абдуллоҳ Олимов, Муҳаммадазиз Иброҳимов, Сирож Мелиев, Артём Литвяков.

“Яшиллар”: Арслан Ахроров, Асилбек Азизов, Нодир Мавлонов, Эммануэль Аривачукву, Фарҳод Мираҳматов, Жаҳонгир Абдумўминов, Бахтиёр Қосимов, Ибэ Окоро, Дониёр Абдуманнопов, Тимур Усманов, Муҳаммад Йўлдошев.

Ушбу назорат учрашувида “Кўклар” 2:0 ҳисобида ғалаба қозонди. Киритилган голларга Абдуллоҳ Олимов ва Фарҳод Бекмуратов муаллифлик қилишди.