UZ

Сўнгги янгиликлар

21:50Агуэро автоҳалокат ҳақида: "Қандай ажойиб тонг"  0 21:30Месси "Олтин бутса" ҳақида: "Жамоадошларимсиз бирорта гол урмаган бўлардим"  4 21:10Алексис бу йил майдонга туша олмаслиги маълум бўлди  4 20:50МЮ жамоага олиб келиши мумкин бўлган янги мураббий билан музокара бошлади  7 20:30Агуэро бахтсиз ҳодисага учради  9 20:10Лионель Месси — "Олтин бутса"ни олти бор қўлга киритган биринчи футболчи  26 19:50Жорже Мендеш: "Роналду Пеленинг рекордини янгилайди"  9 19:25"Championat.asia"да гол завқи: Лионель Месси   32 19:12"Реал" етакчиларидан бири машғулотларга қайтди  4 18:55Мауро Икарди: “Конте бошчилигидаги "Интер" чемпионлик учун кураша олади”  1 18:35Нурилло Тўхтасинов: “Жанубий Корея билан Осиё чемпионатида қандай ўйнаймиз? Ҳамма нарса бўлиши мумкин”  3 18:16"Тоттенхэм" Моуринью билан дастлабки музокараларни олиб борди  8 17:48Olamsport: Боксчимиз гонорари миқдорини айтди, "Ҳумо"нинг ВХЛдаги ўрни ва бошқа хабарлар  0 17:25Бу мавсумдаги биринчи Эль-класико Каталонияда эмас Мадридда ўтиши мумкин  17 17:16Сингапур - Ўзбекистон учрашувидан мухлислар ГАЛЕРЕЯси  14

“Андижон” ФК ва АДУ ўртасида ўзаро меморандум имзоланди Янгиликлар

“Андижон” ФК ва АДУ ўртасида ўзаро меморандум имзоланди

Теглар :  АндижонАДУ
“Андижон” футбол клуби раҳбарияти ташаббуси билан яқинда Андижон Давлат Университетида жамоа вакиллари ва талабалар ўртасида учрашув ташкил этилди.

Унда Вилоят футбол ассоциацияси, “Андижон” футбол клуби раҳбарияти, футболчилар ҳамда Андижон Давлат Университетининг ректор, декан, устоз ва талабалари иштирок этди.

Маълумки, “Андижон” футбол клубининг бир қатор ўйинчилари илгари айнан ушбу олий даргоҳда таълим олган ва бугунги кунда ҳам университетда бир нечта футболчи талабаларимиз мавжуд.

Мазкур учрашувни ташкил этишдан кўзланган мақсад, “Андижон” футбол клуби ва АДУ ўртасидаги ҳамкорликни янада ривожлантириш ҳамда икки томонламалик фойдали лойихаларни амалга ошириширдир.

“Андижон” футбол клуби раҳбарияти олий даргоҳга ташриф буюрар экан, меҳмонларни университети ректори Акромжон Юлдашевнинг шахсан ўзи кутиб олди ва ташрифдан мамнун эканлигини яшириб ўтирмади.

Конферения залида ташкил этилган очиқ суҳбат жараёнида Вилоят футбол ассоциацияси вице-президенти Бекзодбек Каримов, “Андижон” футбол клуби вице-президенти Маъруфжон Абдисаломов, “Андижон” ФК бош директор ўринбосари Ариф Маматказин, бош мураббий Александр Хомяков ва жамоанинг фахрий футболчиси, бугунги кунда АДУ талабаси бўлган Иброҳим Отахонов тадбирда сўз олиб, ўз фикрларини билдириб ўтди.

Ўз навбатида университет ректори А.Юлдашев ҳам жамоа фаолиятига бефарқ эмаслигини, ҳар бир учрашувда қўллаб-қувватлаб, муваффақиятга эришилганида қувонаётганини яшириб ўтирмади.

АДУ талабалари ҳам тадбирда ўзига берилган имкониятдан унумли фойдаланиб, бош мураббийга турли саволлар ва тилакларини билдириб ўтганини айтиш лозим.

Мазкур учрашув чоғида “Андижон” ФК ва Андижон Давлат Университети ўртасида ўзаро меморандум имзоланди. Унда ҳар икки томон бир қатор йўналишлар бўйича ҳамкорлик қилишга келишиб олинди.

Хусусан, “Андижон” ФК ва вилоят футбол ассоциациясининг амалий кўмаги билан келаси йил вилоят биринчилигида университет жамоаси иштирок этадиган бўлди.

Учрашув сўнггида “Андижон” футбол клуби вице-президенти Маъруфжон Абдисаломов клуб рамзи туширилган бир қатор эсталик совғаларини жамоа номидан Андижон Давлат Университети ректори Акромжон Юлдашевга тақдим этди.

Ўз навбатида университет номидан ҳам ректор А.Юлдшаев “Андижон” ФК вице-президенти М.Абдисаломовни мамлакатимизда спортни, хусусан футболни ривожлантиришда қўшиб келаётган хиссаларини доимо юксак қадрлашини ифода этиб, махусус диплом билан тақдирлади.

Тадбир шу тариқа самимий ва ишчан рухда якунига етди.


Рейтинг:    

Фикрлар

   
06 окт 16:49:21
murabbiy
қара бу сафар кечирдим ўқишга келмасанг футбол йўқ
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг