Анчелотти "Ливерпуль"га қарши ўйин олдидан: "Футболда имконсиз нарсанинг ўзи йўқ"
24 дек 2019 11:28
Янгиликлар

Анчелотти "Ливерпуль"га қарши ўйин олдидан: "Футболда имконсиз нарсанинг ўзи йўқ"

"Эвертон"нинг янги бош мураббийи Карло Анчелотти "Ливерпуль"га қарши кечадиган Англия кубоги учинчи раунди доирасидаги сафар ўйини олдидан фикрларини билдирди.

Ушбу беллашув 5 январь куни бўлиб ўтади.

"Эвертон" мухлислари менинг "Ливерпуль"га қарши натижаларимни яхши билишади ва катта эҳтимол улар бундан хурсанд. "Наполи" жорий мавсум Чемпионлар лигасида "Ливерпуль"ни мағлуб этди. Мерсисайд дербиси шаҳар учун муҳим воқелик ва биз учун катта мотивация.

Тўғрисини айтсам, Клопп билан муносабатларим жуда яхши. "Ливерпуль"га қарши ўйинлар ҳамиша ҳаяжонли. Ҳа, мен уларни мағлуб этганман. Бу мен учун омадли кун бўлганди, лекин улар ютқазишга ўрганишмаган.

"Эвертон" мухлислари "қизиллар"ни таслим этишимизни қай даражада хоҳлашларини яхши биламан. Буни бажариб бўлмас вазифа деб ўйламайман, футболда имконсиз нарсанинг ўзи йўқ", - деди Анчелотти.