Анчелотти Бензема "Осасуна"га қарши ўйинни асосий таркибда бошлашини тасдиқлади

Француз Чемпионлар Лигаси гуруҳ босқичи доирасидаги 6 сентябрь куни ўтган "Селтик"га қарши учрашувда (3:0) жароҳат олганди. Ўшанда Карим 30-дақиқада майдонни тарк этган ва жароҳатини даволаш билан банд бўлди.

"Бензема билан барчаси жойида ва у эртага асосий таркибда бўлади. Жисмонан у ажойиб ҳолатда. У бизнинг сардоримиз ва ўйинда иштирок этади".

Каримнинг жароҳатгача ўтказган охирги ўйинларидаги спорт формаси ҳақида
"У охирги турларда гол ура олмади, чунки майдонга тушмади. Карим яхши ҳолатда, машғулотларда одатдаги режимда иштирок этди ва одатдаги ҳолатига қайтди.

Кўрамиз, Карим ўйинсиз ўтказган қисқа даврдан кейин ўзини қандай кўрсатаркин. У шунчаки ажойиб футболчи", – деди "Реал" устози.