Анчелотти: “Ажойиб ўйин, фантастик эмоциялар”
07 фев 2021 07:40
Янгиликлар

Анчелотти: “Ажойиб ўйин, фантастик эмоциялар”

“Эвертон” бош мураббийи Карло Анчелотти АПЛ 23-тури доирасида жамоасининг “Олд Траффорд”да “Манчестер Юнайтед”га қарши (3:3) беллашувидан кейин ўз фикрлари билан ўртоқлашди.

Беллашув давомида “Эвертон” футболчилари 0:2 ҳисобида ортда боришларига қарамай мувозанатни тиклашга эришишди. Кейинчалик ҳакам қўшиб берилган сўнгги сонияларда 2:3 ҳисобида ортда бораётиб, мағлубиятдан қутулиб қолишнинг уддасидан чиқишди.

“Ажойиб ўйин. Фантастик эмоциялар... Нима дейишим мумкин? Биз очко олишга лойиқ эдик. Ҳа, биринчи бўлимда у қадар ишончли ўйнай олмадик. Иккинчи бўлимда эса ҳужумкор ўйин кўрсатдик, олдинга интилдик. Охир оқибат бир очкога эга чиқдик. Бу ўйинда ғалабага эришгандек таассурот қолдирди, аммо биз атиги бир очко билан чекландик. Биз АПЛнинг энг кучли жамоасидан бири билан тўқнашдик. Биз улар бир хил савияда эмасмиз, аммо кўплаб жиҳатлар бўйича пешқадамлардан қолишмаймиз. Жамоам билан фахрланаман”, дея Анчелоттининг сўзларидан иқтибос келтирмоқда ВВС.

Ҳавола :

Манба : ВВС

Янгиликларни Телеграмда ўқинг!

Рейтинг: +10