Анчадан бери даволанаётган Неймар 3та ўйинга дисквалификация қилиниши мумкин
14 мар 2019 15:59
Янгиликлар

Анчадан бери даволанаётган Неймар 3та ўйинга дисквалификация қилиниши мумкин

Теглар : Неймар

ПСЖ ҳужумчиси Неймар "Манчестер Юнайтед"га қарши Чемпионлар лигаси 1/8 финал жавоб учрашувидан (1:3) кейинги ўзини тутиши учун четлатилиши мумкин.

Маълумотларга кўра, УЕФА айни дамда футболчини 3та ўйинга четлатишни кўриб чиқмоқда. Олдинроқ, Неймарга нисбатан интизом иши очилган эди.

Эслатиб ўтамиз, Париж клуби "Манчестер Юнайтед"га қарши жавоб учрашувида пенальтидан ўтказиб юборган учинчи голи туфайли турнирни тарк этди. Баҳс бош ҳаками Дамир Скомина VAR ёрдамида ПСЖ дарвозаси томон пенальти белгилади. Неймар жароҳат туфайли ўйинни ўтказиб юборди. Учрашувдан сўнг бразилиялик футболчи "Инстаграм"да ҳакамлар ишини кескин танқид қилди.

Неймар 2019 йилнинг 23 январь куни "Страсбург"га қарши кечган баҳсда жароҳат олган эди. Ҳужумчи ўшандан буён майдонга қайтгани йўқ.

Ҳавола :

Манба : The Times

Янгиликларни Телеграмда ўқинг!

Рейтинг: +7