Алли АПЛда 50-голини урди. У бу ишни Лэмпард, Бекхэм ва Скоулздан аввалроқ уддалади
08 мар 07:04
Янгиликлар

Алли АПЛда 50-голини урди. У бу ишни Лэмпард, Бекхэм ва Скоулздан аввалроқ уддалади

АПЛ 29-тури доирасида “Бёрнли” ўз майдонида “Тоттенҳэм” билан куч синашди-1:1.

Мазкур беллашувнинг 50-дақиқасида “Тоттенҳэм” ярим ҳимоячиси Делле Алли 11-метрлик жарима зарбасини аниқ амалга ошириб, баҳсда мувозанатни тиклади ва ўзининг Англия премьер лигасидаги 50-голини киритди.

“Sky Sports”нинг хабарига кўра, Алли 23 ёшида АПЛда 50-голини киритиб, бу борада инглиз футболчилари орасида ўзига хос рекорд ўрнатди. Ушбу кўрсаткич орқали лондонликлар ярим ҳимоячиси “Челси”нинг собиқ футболчиси Фрэнк Лэмпардни ортда қолдирди. Фрэнк АПЛда 50-голини киритганида 26 ёшу 181 кунлик эди.

Шунингдек, ушбу рўйхатдан МЮнинг собиқ ярим ҳимоячиси Дэвид Бекхэм (26 ёшу 186 кун), Пол Скоулз (27 ёшу 47 кун) ва “Ливерпуль” собиқ сардори Стивен Жерард (27 ёшу 192 кун) ўрин олишган.

Ҳавола :

Манба : Sky Sports

Янгиликларни Телеграмда ўқинг!

Рейтинг: +3