UZ

Сўнгги янгиликлар

01:11Акмал Рустамов: "Агар вазиятларимиздан фойдаланганимизда бугун уч очкони олиб кетардик"  0 00:17Инзаги Нуньесни "Ал Ҳилол"да кўрмоқчи. "Ливерпуль" ҳужумчига музокара ўтказишга рухсат берди  0 23:50Пакета Манчестерга йўл олиши мумкин  0 23:25Расман: "Челси" Хато трансферини эълон қилди  5 23:09Суперлига. "Сурхон" – "Қизилқум" ўйинида ҳисоб очилмади, ҳакам ВАР монитори орқали иккита эҳтимолий пенальтини кўриб чиқди  5 22:51Элдор Мойлиев "Насаф" футболчиси "Шўртан"га ўтмагани сабабини айтди  3 22:40Ҳаким Фузайлов "Хоразм"нинг ушбу мавсумдаги мақсадини айтди  0 22:27Максим Шацких: "ОЧЛга оптимал ҳолатда борамиз"  3 22:07Баҳром Ҳайдаров: "Дастлабки икки голни инобатга олмасак, тенг ўйин бўлди"  10 22:02Суперлига. "Хоразм" Ғузорда "Шўртан"дан ишончли ҳисобда устун келди  8 21:36"Бенфика" Браимни "Реал"дан ижарага олмоқчи. Музокаралар бошланди  0 20:55Суперлига. "Андижон" "Қўқон-1912"ни йирик ҳисобда таслим қилди  28 20:26"Сурхон" — "Қизилқум". Таркиблар маълум  0 19:46МЮ Хейлундни 30 млн фунтга сотишга тайёр  2 18:40Моуринью "Реал" футболчисини нишонга олди  1

Аллегри "Манчестер Юнайтед"га қарши баҳсни назорат ўйинига қиёслади - матбуот анжумани Янгиликлар

Аллегри "Манчестер Юнайтед"га қарши баҳсни назорат ўйинига қиёслади - матбуот анжумани

"Ювентус" бош мураббийи Массимилиано Аллегрининг "Манчестер Юнайтед"га қарши ўйин олдидаги матбуот анжуманида билдирган фикрларини эътиборингизга тақдим этамиз.

- "Манчестер Юнайтед"га қарши ўйинни мавсумнинг энг муҳим беллашувига қиёсласа бўладими?
- Олдимизда янада муҳим ой турибди. ФИФА кунларидан кейинги янги циклни жуда яхши бошлай олмадик. Эртадан (бугун - таҳририят) бошлаб ЕЧЛ яна қайтади. Ғалаба жуда муҳим. Чунки ютуқ гуруҳдан чиқиш масаласини деярли ҳал этади. Рақиб ҳақида гапирадиган бўлсам, улар жисмоний жиҳатдан жуда кучли жамоа. Биз уларга қарши техник жиҳатдан кучлироқ ўйнашимиз лозим.

- Таркибдаги йўқотишлар, ўзгаришлар тактик схемани ўзгартиришга мажбур қиладими? Жамоа яна 3 ҳимоячили схемага қайтадими?
- Манжукич жароҳат олмаганида ҳам бу ўйинда иштирок этмасди. Аммо барибир унинг йўқлиги кишини ранжитади. Хедира ва Эмре Жан ҳам шулар жумласидан. Қўл остимда айни пайтда 17 футболчи мавжуд. Таркиб танлашда жуда диққатни жамлаш керак бўлади. Чунки рақиб ҳаводаги курашларда анча кучли. Таркиб ёки тактика танлашда айнан шу жиҳатни ҳам инобатга олишимизга тўғри келади.

- Погбадан нима кутяпсиз?
- "Манчестер Юнайтед"да Погбадан ҳам бошқа юлдузлар кўп. "Юнайтед" фақат Полдан иборат эмас. Биз мазкур ўйинда ёш иқтидорли Марсьяль, Погба, Рэшфорд сингари футболчиларга қарши ўйнаймиз. Бизда ҳам бундай иқтидорлар кўп: Дибала, Бернардески, Канселу, Бентанкур. Ҳозир санаб ўтганларимнинг кўпчилиги футбол келажаги. "Манчестер Юнайтед" билан ўйин биз учун яхшигина тестга айланади. Бу нафақат жамоавий баҳс, балки индивидуаль жиҳатдан ҳам яхши қарама-қаршилик бўлади. Ажойиб стадион, илиқ муҳитда ўйнаш биз учун яхшигина текширув вазифасини ўтаб беради.

- "Юнайтед" АПЛда 10-ўринда. Улар энг яхши самарадор футбол кўрсатишмоқда, деган фикрга қўшиласизми?
- "Манчестер Юнайтед" футболчилари кўпроқ  техникага асосланган. Тезкор ва жисмоний жиҳатдан анча бақувват. Ҳар қандай ҳолатда ҳам "Юнайтед" ғалаба қозонишни истайдиган жамоа. Мураббийи ҳам анча тажрибали мутахассис. Биз мазкур беллашувда 90 дақиқа эмас, бутун 10 дақиқа ўйинда бўлишимиз лозим. Чунки мусобақада ҳеч қачон ўйин тугамайди. "Женоа"га қарши қилган ишимизни такрорлаш ярамайди. Мен айтган фикрларни "Манчестер Юнайтед"нинг "Челси"га қарши ўйини ҳам тасдиқлаб турибди. Голлар фақат иккинчи қаватдаги курашлардан кейин киритилди.

- Манжукич барибир ўйнамасди деб нимани назарда тутдингиз?
- Ҳаммаси биз танлайдиган тактикага боғлиқ: марказий ҳужумчисиз ёки Дибала ва Роналдуга ўхшаган форвардлар билан тушишимиз мумкин. Охирги учрашувларда биз 4-3-3 схемасидан фойдаландик. Бунда 4 ҳимоячи, 3 ярим ҳимоячи ва 3 ҳужумчи ўйнайди. Бу эса футболчиларнинг майдондаги функциялари тавсифларига боғлиқ масала. Айнан шу жиҳатларни инобатга олиб схемага мослаб футболчиларни танлайман.

- "Ювентус" ўтказиб юборган 6 голнинг тўрттаси айнан иккинчи қаватдан киритилди.
- Тўғри, аммо вазият бошқа-бошқа. Агарда гол кроссдан сўнг урилган бўлса, бу футболчиларнинг ўзаро тушунмовчилиги натижасида йўл қўйилган хато. Биз эса айнан шундай кроссларни амалга оширадиган футболчиларга кўпроқ босим қилиб, уларни қўриқлашимиз лозим. Ўтказилган 6 голдан тўрттаси бир-бирига ўхшаб кетади. Шанба куни эса ғалати ҳолатга тушдик. Бутун жамоа тўп чизиқдан ўтиб кетди, деб ўйлаб ухлаб қолдик. Умуман олганда эса ўшанда ҳеч ким индивидуаль хатога йўл қўймади.

- Хедира ва Жан ўйнамайди. Демак ўйинда иккита марказий ярим ҳимоячидан фойдалансизми?
- Куадрадо тиббий хонада яхши ишламоқда. Биз уч марказий ҳимоячи билан ўйнашимиз мумкин эди. Кейинчалик эса ўйин давомида тактикани ўзгартириш ҳам мумкин. Аммо биз 4 ҳимоячидан фойдаланамиз. "Манчестер Юнайтед" билан ўйинда майдон марказида футболчилар сонидаги тенгликни хосил қилишимиз муҳим аҳамиятга эга.

- Манжукичнинг аҳволи қандай? Узоқ муддатга сафдан чиқиш эҳтимоли йўқми?
- Ўйлашимча, ҳеч қандай ҳавотирга ўрин йўқ. Жиддий жароҳат эмас. Тез орада сафга қайтади. Шунингдек, Хедира ва Эмре Жан ҳам тез кунда жамоа билан умумий машғулотга қайтишади.

- Бернардески эртага қайси нуқтада ўйнашини маълум қилмайсизми?
- Сиз уни бошланғич таркибга киритиб қўйдингизми? Балки ўйнар (кулади). Бернардески учун эртанги баҳс жуда муҳим ҳисобланади. Чунки бундай муҳитда, ажойиб стадионда илк ўйинини ўтказади. Бу унинг учун яхши ўсиш.

- Барцальининг ўйнаш имконияти қай даражада?
- Йўқ. Агарда биз 3 марказий ҳимоячи хизматидан фойдаланганимизда, балки ўйнарди. Аммо бизнинг 4 ҳимоячили схемамизда Барцальининг майдонга тушиш имконияти йўқ.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика