UZ

Сўнгги янгиликлар

00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  6 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  6 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0 21:21"Милан" "Реал"дан Фран Гарсиянинг нархини сўради. "Қироллик клуби" эса...  0 20:56Хави Симонс Лондон клубига ўтишга тайёр  0 20:18Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда  2 19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  4 19:14Гвардиола мўйловини ўстирди  11 18:45Ўртоқлик ўйини. "Арсенал" ва "Ньюкасл" ўртасида Сингапурдаги ўйинда 5 та гол урилди  3 17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  2 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  5

Алишер Никимбаев: "ЎФФ олдин ҳам ўз регламентини кўп бор бузган" Янгиликлар

Алишер Никимбаев: "ЎФФ олдин ҳам ўз регламентини кўп бор бузган"

Ўзбекистонлик футбол мутахассиси Алишер Никимбаев ЎФФ қабул қилган қарор борасида ўз фикрларини билдирди:

"ЎФФ ўз қарори билан ўз регламентини бузаяпти деган гаплар кўпайиб кетди, эслатиб ўтмоқчиман, олдинги раҳбарият даврида ҳам регламент кўп ва хўп бузилган.

Масалан, лицензиялаш регламентига кўра олий лигада фақат лицензияга эга бўлган клублар ўйнаши мумкин. Бу қоида 2013 йилдан буён амал қилмоқда. Бундай қоида Осиё қитъаси мамлакатларининг жуда камида бор. Фақат Япония ёдимга тушмоқда. Барча қолган мамлакатлар лицензиялашдан фақат Осиё Чемпионлар лигаси учун фойдаланишади. Шу боис, масалан, Саудия Арабистонининг "Ал-Иттиҳод" клуби бир неча мавсум ОЧЛда иштирок эта олмаяпти, аммо ўз ички лигасида бемалол ўйнамоқда. Мана шу йилда БААда шундай вазият содир бўлди: "Ал-Айн" ва "Шабаб Ал-Аҳли Дубай" лицензия олишмади ва ОЧЛда қатнаша олишмайди, аммо ички чемпионатда муаммосиз иштирок этишади.

ЎФФ ўз вақтида лицензиясиз олий лигада ўйнаш мумкин эмас деган қоидани жорий қилганди. Аммо талабларни бажармаган клубларни жазолашни ўрнига барчага лицензияларни бериб юбораверди. Ўтган йил "Обод" ва "Шўртан" клублари лицензияга эга бўлишганди. Биринчисини клуб деб атаб ҳам бўлмасди, иккинчиси эса ПФЛ томонидан футболчи олдидаги қарздорлик натижасида 3 очкодан маҳрум қилинганди. Яъни ПФЛ "ўнг қўли" билан "Шўртан"ни регламентни бузгани учун жазолади, "чап қўли" билан эса лицензия берганди. Агар ЎФФ ўз регламентига қатъий амал қилганида шу йилнинг ўзида олий лигада 14та клуб бўларди", - деб ёзади Никимбаев фейсбукдаги ўз саҳифасида.

Эслатиб ўтамиз, Алишер Никимбаев клуб лицензиялаш ишларида анчагина тажрибали, ОФКда ишлаганида 2011-12 йилларда у айнан мана шу билан шуғулланганини эслаш кифоя.


Рейтинг: +31   

Фикрлар

championat.asia
< сўнгги янгиликларни кўриш
Яндекс.Метрика