UZ

Сўнгги янгиликлар

22:57Шоҳруз Норхонов: "Жамоамга ғалаба келтирганимдан хурсандман"  0 22:44Февзи Давлетов: "Жанговар дуранг бўлди"  0 22:18Ҳаким Фузайлов: "Футболчиларимизга озгина дадиллик етишмади"  1 22:15Суперлига. "Бунёдкор" – "Шўртан" (матнли трансляция)  3 22:05Суперлига. "Қизилқум" "Бухоро"ни мағлуб этди, Норхонов собиқ жамоасига гол урди  11 21:53"Челси" сўнгги марта 1 ярим йил олдин гол урган ҳужумчисини сотиб юборди  0 21:34Душан Тадич БАА жамоасига ўтди  0 21:03Суперлига. Олмалиқда кечган "Хоразм" – "Сурхон" учрашувида жанговар дуранг  15 20:52"Арсенал" ёш футболчиси билан шартномани узайтирди  1 20:51Суперлига. "Бунёдкор" – "Шўртан" баҳси асосий таркиблари маълум!  0 20:15Хойлунд "Манчестер Юнайтед"дан кетишга шошилмаяпти  1 19:43Эксперт фикри. Расул Раҳмонов: "Андижон"да ўзига бўлган ишонч уйғонмоқда"  1 19:22"Бунёдкор" стадиони CAFA мусобақаси мезбони бўлиб қоладими?   15 18:37"Андижон" Қаршида "Насаф" билан дуранг қайд этган баҳсдан ГАЛЕРЕЯ  0 18:24"Нефтчи" Қўқонда қийин ғалабага эришган ўйиндан ГАЛЕРЕЯ  0

Александр Хомяков: "Омадимиз келди, чунки "Насаф" бу ўйинда катта устунлик қилди" Янгиликлар

Александр Хомяков: "Омадимиз келди, чунки "Насаф" бу ўйинда катта устунлик қилди"

Coca Cola Суперлиганинг 1-тури доирасида "Насаф" мағлуб этилганидан кейин "Андижон" бош мураббийи Александр Хомяков журналистлар саволларига жавоб берди.


- Барча мухлисларимизни мавсумнинг старти билан табриклайман. Чемпионатимиз қизиқ ва юқори шиддатда бўлишини тилаб қоламан. Ғалаба ёқимли бўлди, шак-шубхасиз. Бунинг учун етарли даражада ҳаракат қилишимиз керак эди. Йигитлар майдонда борини берди. Бошқа томондан олиб қарасак, бугун омадимиз келди, дея оламан. Чунки ўйиннинг катта қисмини биз тўпсиз ўтказдик. "Насаф" ҳудудий жиҳатдан катта устунлик қилди. Бироқ йигитлар мустаҳкам бардош билан ягона вазиятни кутишди ва ундан фойдаланишди. Мухлисларни ғалаба билан табриклайман. Ўз навбатида барча кўрсатмаларни бажарган футболчиларга ҳам миннатдорлик билдираман.

- "Насаф"га нима етишмади?

- Футболда майда фактлар ҳам натижага таъсир ўтказади. Шунчаки бугун омад бизнинг томонда бўлди. "Насаф" - қандай услубда, схемада ўйнамасин, ўзбек футболининг байроқдори, қийин рақиб. Улар билан тенглашиш осон эмас. Аслида ўйинга бўлган режамизда бошиданоқ ҳимояда бўлмаслигимиз керак эди. Бироқ бунга мажбур бўлдик. Майдон марказида агрессив ўйин кўрсатишни истагандик. Бу вазифани ҳам амалга ошира олмадик. Чунки "Насаф" катта босим уюштирди ва жарима майдончамизга қамаб қўйди. Бу ғалаба йигитларнинг характери сабаб бўлди. Ўйиндаги ягона вазиятимиздан фойдаланиб кетдик.

- Жамоанинг мавсумий мақсади қандай?

- Раҳбарият максимал равишда очколар олишни вазифа қилиб қўйган. Биз мухлислар ва раҳбариятимиз учун қўлимидан келганича ҳаракат қиламиз, очколар олишга интиламиз.

- 35-дақиқада Сардор Азимов жароҳат олди. У кейинги турларда жамоага ёрдам бера оладими?

- Афсуски, ҳозирда унга мен ташхис қўя олмайман. Жароҳатнинг қанчалик даражада эканлиги натижаларини кутамиз.

- Ушбу ғалаба Сизнинг эртанги туғилган кунингизга супер совға бўла оладими?

- Албатта! Бир ҳазил борку: бош мураббий ўйиндан бир кун олдин футболчиларига: 

- Эртага менинг туғилган куним, ғалаба билан совға қилсангиз бўлди, - Ие, жаноб мураббий, биз сизга совғалар олиб бўлганмизку...

Йигитларга раҳмат айтаман. Бугун ғалабага эришганимиз жуда ёқимли бўлди.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика