UZ

Сўнгги янгиликлар

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  18 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  15 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  24 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   29 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  373 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Александр Хомяков: "Бундай шиддатли ўйинларда бироз вақт чўзиш нормал ҳолат" Янгиликлар

Александр Хомяков: "Бундай шиддатли ўйинларда бироз вақт чўзиш нормал ҳолат"

Coca Cola Суперлиганинг 18-туридан ўрин олган "Нефтчи" - "Андижон" учрашувидан сўнг меҳмонлар бош мураббийи Александр Хомяков матбуот анжуманида қатнашди.

- Ўйин ҳақида фикрингиз...

- Ўзингиз гувоҳи бўлганингиздек, анча жиддий ўйин бўлди. Бугунги учрашув турнир жавдалига катта тасъир ўтказарди. Дерби бўлгани учун ҳам босим юқори эди. Ўйинга келадиган бўлсак, "Нефтчи" кўп вазият яратди. Лекин биз яхши ҳимоялана олдик. Биринчи бўлимда майдон марказини тўлиқ рақибга бериб қўйган эдик, шу сабабдан анча қийналдик. Нима бўлганда ҳам бугун бир очко қўлга киритдик.

- Тоировнинг биринчи бўлимдаги вазияти ва ўйин давомида вақтни атайлаб чўзилиши ҳақида фикрингиз...

- Биз майдон ўртасида жуда суст ўйнадик, шу сабабдан кўп хатога йўл қўйдик. Ўйинни ўзингиз томоша қилдингиз. Бундай юқори тезликда ўтадиган баҳсларда бироз вақт чўзиш нормал ҳолат. Бундай ўйинларда ҳамма усуллар фойдали. Рақиб бизни анча қийнади, шу сабаб иккинчи бўлим ўртасида уч марказий ҳимоячи билан ўйнашни бошладик. Дарвозабонимиз ҳам бугун бизни қутқарди.

- Сардор Азимов сўнгги ўйинларда жуда эмоционал бўлиб қолган. Унда қандайдир психологик муаммо борми?

- Бундай ўйинлар эмоцияга бой бўлади. Аммо профессионал футболчи ҳар доим эмоцияларини жиловлай олиши керак. Унинг бугунги ҳулқи ярашмади. У яқиндагина қизил карточка олган эди, шу сабабдан бугун ўзини яхшироқ томонлама кўрсатмоқчи эди.

- "Андижон" жамоаси ўз услубини мавсум охирига қадар ўзгартирмайдими? Кейинги учрашувларда дарвозабон клубни қутқаролмай қолиши мумкин, чемпионат сўнгида эса ҳар бир жамоа борини бериб ўйнайди...

- Биз ҳозир ҳужумда муаммога дуч келмоқдамиз, буни яширмайман. Бироқ "Нефтчи" жамоаси уч ўйиндан бери ғалаба қозона олмаяпти. Бу дегани, рақиблар "Нефтчи" жамоасига қарши анча зич ҳимояланишмоқда. ОКМК беш нафар ҳимоячи билан ўйнади. Мавсум сўнги деяпсиз, лекин ҳозир ҳам жамоалар натижа учун ўйнамоқда. Ҳозирги кунда кўпроқ натижа муҳим бўлиб қолди. Иккинчи даврада "Нефтчи" жамоаси позицион ҳужумини анча яхшилаб олибди. Бугун уларга қарши ҳимояланиш осон бўлмади.

- Охирги дақиқаларда ҳимоячилар тўпга эга чиқиши билан дарҳол уни тепиб юборди. Бу сизнинг кўрсатмангизмиди?

- Ўзингиз кўрдингиз-ку, ўйин шунга мажбур қилди. Биз ўзимиз дарвозага яқин ҳимояландик ва бу хато эди. Дарвозага яқин ўйнаш тўғри қарор эмас, бироқ рақиб темпини пасайтиришимиз лозим эди. Биз сўнгги дақиқаларда ҳисобни сақлаб қолиш учун ўйнадик.

- "Андижон" жамоаси жорий мавсум ўзидан кучлироқ рақиблардан кўп очко тортиб олди. Ушбу натижалардан сўнг жамоангиз ТОП олтилик учун курашадими ёки ҳозирги натижалар ҳам қониқарлими?

- Ҳар бир жамоа энг яхши натижани қайд этишни мақсад қилади ва биз ҳам бундан мустасно эмасмиз. Ўйинга баҳо берсак, мен ҳам доим ҳам намойиш этаётган ўйинимиздан қониқмайман. Кўпроқ ҳужумга ўтишни истар эдим, аммо шундай ўйнашга мажбур бўляпмиз. Биз кўп нарса истаймиз, лекин барча режаларимизни амалга ошириш имконсиз. Мен жамоамнинг кучли тарафларига таяниб ўйин тузаман. Биз ҳимояда яхши ўйнаяпмизми, ушбу услубда қолишимиз ва очколар тўплашимиз муҳимроқ.


Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика