Александр Волков “Шўртан”дан “қочиб кетди”
24 янв 2016 10:39
Янгиликлар

Александр Волков “Шўртан”дан “қочиб кетди”

Янги мавсумдан “Шўртан” жамоасини бошқариши кутилаётган Александр Волков клубни тарк этди.

Яқин манбаларнинг маълум қилишича, Тошкентнинг Олий лигага йўлланма олган жамоаси “Обод”га қарши учрашувдан сўнг “оқ бўрилар” мураббийи Волков кўринмай қолган.

Ўртоқлик учрашувидаги мағлубият(2:4) мураббийнинг кетишига сабаб бўлган бўлиши мумкин. Бир оз олдинроқ Волков ўзи истаган футболчиларни клубга олиб келиши бўйича муаммоларга учраётганлиги ҳақида эшитгандик.

Эслатиб ўтамиз, Александр Волков клуб расмий сайтига берган интервьюсида “Шўртан”га беш йил деганда етишганлигини маълум қилганди.

Тасдиқланмаган маълумотларга кўра мураббий фаолиятини водий клубларидан бирида давом эттирмоқчи.

Ҳавола :

Манба : voha.uz

Янгиликларни Телеграмда ўқинг!

Рейтинг: +9